GUGE CAKERY
的匠心之旅——
𝐑𝐞𝐝 𝐋𝐚𝐛𝐞𝐥 週年誌
我們的品牌理念：經典中的快樂，記憶裡的溫度
——呢句唔止係我哋嘅標語，仲係GUGE CAKERY由第一天開始就放喺心入面嘅諗法。
"
"
𝐉𝐎𝐘 𝐢𝐧 𝐭𝐡𝐞 𝐂𝐋𝐀𝐒𝐒𝐈𝐂
我哋覺得，最好嘅快樂，往往喺最簡單嘅經典入面。細個嗰陣，一件普通嘅忌廉蛋糕，已經可以令人開心成日——呢種味道，時間過咗都唔會變。我哋想做嘅，就係用返今日嘅手藝，留住呢份舊時嘅溫暖。
主理人的職人精神：從經典黑森林到創新口味
2024年頭，我哋做咗個決定：放下做開嘅鏡面蛋糕，轉投好多香港人鍾意嘅忌廉蛋糕——推出咗新系列 𝐑𝐞𝐝 𝐋𝐚𝐛𝐞𝐥。
呢次轉變，對我哋嚟講係一個好深嘅學習。Chef JB 同成個團隊，由最基本嘅抹蛋糕面做起，日日同鮮忌廉「磨練」。
我哋專注於低糖蛋糕與層次豐富嘅口感，確保每一份從 GUGE 送出嘅蛋糕，都能傳遞最真摯嘅幸福。
嚴選食材與手工堅持
為咗呈現最完美嘅味道，我哋對於鮮忌廉、朱古力同水果等等嘅選料都十分執著。呢個唔單止係蛋糕，更係對品質嘅一份承諾。
味道，要對得住回憶
🍒
黑森林蛋糕
為咗重現細個食開嘅港式黑森林，我哋用咗兩公斤黑加侖子啫喱，不停試，先搵返嗰種彈牙又有果香嘅口感。
🍃
薄荷朱古力
為咗搵返細個食嗰排裝薄荷朱古力嘅味道，我哋試勻美國同意大利嘅薄荷料，調到個味夠香、又夠涼，剛剛好。
🌽
粟米忌廉濃湯蛋糕
呢個蛋糕係 Chef JB 細個好鍾意飲屋企煲嘅粟米忌廉湯，諗吓諗吓，不如試吓將呢種暖笠笠嘅味道變做甜甜鹹鹹嘅蛋糕？
呢一年我哋學識咗：經典，唔在於整得有幾複雜，而係食嗰陣，有冇勾起一啲你幾乎唔記得嘅感覺。每次見到有客人傳message話「呢個真係我細個食嗰隻味」，或者淨係一張好開心食蛋糕嘅相，我哋就覺得，通宵研製都值得。
嚟緊，我哋會繼續
🔸 每季推出一啲加入香港本地食材嘅甜品
🔸 堅持無添加，嚴選最優質食材 (e.g. 法國動物性忌廉 , 比利時朱古力, 日本麵粉等等)
📸 Follow our IG @guge.cakery
追蹤我哋，睇更多蛋糕日常
好多謝你同GUGE CAKERY一齊行咗呢段路。你隨口講一句「真係好食」，我哋會記住，繼續加油。希望可以繼續用忌廉同蛋糕，寫多啲屬於香港嘅溫暖故事。
𝐉𝐎𝐘 𝐢𝐧 𝐭𝐡𝐞 𝐂𝐋𝐀𝐒𝐒𝐈𝐂
——願你喺經典入面，搵返心動嘅一刻
GUGE CAKERY
